Laburbira film laburren zirkuitua martxoaren 1etik apirilaren 1era izango da. Hamabigarren edizioa izango da aurtengoa, eta 80 minutuko emanaldietan 8 film labur izango dira ikusgai.
Film eta zuzendari hauek osatuko dute 2015eko Laburbira:
- Hubert le Blonen azken hegaldia (Koldo Almandoz)
- Ein Land (Igone Arreitunandia)
- Aitona Mantangorria (Kepa Errasti)
- Zela Trovke (Asier Altuna)
- Arconada (Asier Urbieta)
- Don Miguel (Kote Camacho)
- Zaunk (Ixone Aroma, Aritz Lasarguren eta Asier Vera)
- Zarautzen erosi zuen (Aitor Arregi)
Filmak hautatzerakoan, hainbat irizpide izan ditugu kontuan, hala nola sortzaile berriei eta ibilbide luzekoei lekua egitea, filmetako genero eta gai aniztasuna, euskaltzaleen mugimenduko lanak zabaltzea eta abar.
Emanaldietan, sortzaileetako batekin solasaldian aritzeko aukera egongo da, aurreko urteetan bezala. Horrela, euskal zinemaz gozatzeko eta zinemagintza hobeto ezagutzeko aukera izango dute ikusleek.
Zirkuitua herrian antolatzeko eskaria otsailaren 4a baino lehen egin behar da. Horretarako, bertan daukazuen eskaera orria bete eta arrate@topagunea.org helbidera bidali behar duzue.
Filmei buruzko informazioa: