Azken hamarkadetako euskaltzaletasunaren irakurketa kritikoa egin eta etorkizunerako gako berriak asmatzeko helburuarekin Topalabe taldeak sortutako Berrikasi eta berrikusi gogoeta izango da aztergai urriaren 14an, asteazkena, Lasarte-Oriako Mirentxuenea etxean.
Topalabea taldeak dokumentua osatu zuenean ondoko hitzekin eman zion sarrera gogoetari:
Dokumentu hau euskaltzaletasunaren azken hamarkaden irakurketa kritiko bat da, etorkizuna begi berriz ikusteko helburuarekin egina. Eztabaida zintzoa suspertu nahi luke egin dugunaz, eskarmentu horrekin hobeto ekin diezaiogun egiteko dugunari.
Urriaren 14ko mahai-inguruan Topalabea taldeko Iñaki Martinez de Luna eta Jasone Mendizabalek parte hartuko dute, eta beraiekin batera Pablo Suberbiola ere izango da hizlari. Gidari lanetan Iñaki Arruti arituko da.