Ordizian abiatu zen martxoaren 4an, eta ordutik herriz herri dabil; euskarazko zinemagintzak aurreko urtean utzitako perlak eskainiz.
Zirkuituaren hirugarren aste honetan, Mutriku, Igorre, Asparrena eta València izango ditu geltoki Laburbirak. Zirkuitoko emanaldi batzuetan, sortzaileetako batekin solasaldian aritzeko aukera egongo da gainera: Asparrenan, adibidez, Kepa Errasti izango da.
Euskal zinemaz gozatzeaz gain, zinemagintza hobeto ezagutzeko aukera izango dute ikusleek.
Martxoaren 28ra bitartean, 29 emanaldi izango dira beste horrenbeste herritan: Areatza, Arespalditza, Aretxabaleta, Arrasate, Asparrena, Atarrabia, Azkoitia, Azpeitia, Basauri, Berriozar, Biasteri, Durango, Ea, Erandio, Ermua, Etxebarri, Gasteiz, Hernani, Hondarribia, Igorre, Lazkao, Mutriku, Ordizia, Paris, Soraluze, Urkabustaiz, Usurbil, València eta Zumaia.
Hamabigarren edizioa da aurtengoa, eta 80 minutuko emanaldietan 8 film labur dira ikusgai.
Film eta zuzendari hauek osatzen dute 2015eko Laburbira:
- Hubert le Blonen azken hegaldia (Koldo Almandoz)
- Ein Land (Igone Arreitunandia)
- Aitona Mantangorria (Kepa Errasti)
- Zela Trovke (Asier Altuna)
- Arconada (Asier Urbieta)
- Don Miguel (Kote Camacho)
- Zaunk (Ixone Aroma, Aritz Lasarguren eta Asier Vera)
- Zarautzen erosi zuen (Aitor Arregi)
Filmak hautatzerakoan, hainbat irizpide izan ditugu kontuan, hala nola sortzaile berriei eta ibilbide luzekoei lekua egitea, filmetako genero eta gai aniztasuna, euskaltzaleen mugimenduko lanak zabaltzea eta abar.
Filmei eta emanaldiei buruzko informazioa: