Euskarazko irakurzaletasuna eta literatura sustatu nahi dituen irakurri, gozatu eta oparitu egitasmoak 10 urte beteko ditu aurten, eta hamargarren edizio honek, hobetzeko asmoz egindako hainbat aldaketa izango ditu.
- Lehengoa, gauzatze data aurreratzea, apirilaren 1etik maiatzaren 31ra aurreratuko da, liburuaren nazioarteko eguna, apirilak 23, ekintza osagarriak antolatzeko aproposa, erdian geratuta.
- Beste aldaketa esanguratsu bat, erosketa-txekeen balio ezberdinak kopuru bakarrera bateratzearena izango da.
- Horiez gain, aurten, azalpen diptikoan 50 liburu-gomendio batuko duen zerrenda bat joango da, adin tarteka sailkatuta.
Gainontzean, egitasmoak ohiko urratsak proposatzen ditu, hau da,
- Liburutegiko mailegua erabilita euskarazko liburu bat etxera eraman,
- Irakurri,
- Liburutegira itzulitakoan irakurle-fitxa erraz bat bete eta bertan erosketa-txekea jaso,
- Beste liburu bat erosi, eta
- Nahi izanez gero, lagun, senide,.., lankideren bati oparitu.
Egitasmoa haien herrietan antolatu nahi duten euskaltzaleen elkarteek, liburutegi edo udalek, otsailaren 4ra arteko epea dute Euskaltzaleen Topaguneari asmo hori jakinarazteko manuel@topagunea.org helbidera idatziz. Informazio gehiago behar izanez gero, helbide bera erabilita lortuko duzue.