Haizea dator Iparraldetik!

Gotzon Garate idazle eta euskaltzale nekaezinaren oroimenez Elgoibarko Izarra Euskaltzaleen Topaguneak urtero udazkenean antolatzen duen zikloak, zazpigarren edizioa beteko du aurten. Eta zazpigarrena izanda, zer hobeto Euskal Herriaren osotasuna aintzat hartzea baino. Aurtengo zikloaren arrazoia edo motiboa, programaren izenburuan azaltzen den moduan, Iparraldea izango da. Elgoibartarrek Euskal Herriaren iparraldea hobeto ezagutzea da zikloaren helburua, eta horretarako prestatu dute urriaren 2an hasi eta azaroaren 14an amaituko den programa.

 

elgoibartarrakElkarlanean antolatutako zikloa

Zikloaren urteroko eragileak Elgoibarko Izarra eta Udala badira ere, aurten beste elkarte-erakunde batzuen elkarlanarekin jantzi eta aberastu dute programa. Sinuöse taldea, Morkaiko mendizale-elkartea, Haritz dantzari-taldea, Elgoibarko Gazte Asanblada, Etxe-tar enpresa, Belaustegi jatetxea, eta Txarriduna hotela dira, hain zuzen ere, aurtengo edizioan parte hartuko dutenak.

 

Denen gustuko ekintzak

Iparraldea hobeto ezagutzeko hamaika modu egon daiteke, eta Elgoibarko Izarrako lagunek beraiena prestatu dugu. Eragileon ezaugarriak eta jarduerak aintzat hartu eta saiatu dira adin eta gustu gehienentzat erakargarria izan daitekeen programa antolatzen. Hitzaldiak, musika-kontzertuak, kantu-bazkaria, mendi-ibilaldia eta, nobedade moduan, pastorala antolatu dira. Horrela, Elgoibarren estreinakoz izango da pastorala ikusteko aukera.

 

Egitaraua

 

Mixel Etxekopar, kontzertua

Sinuoserekin elkarlanean

Urriak 2, ostirala. 23:00etan

Sarrerak: Sotoan, egunean bertan.

Prezioa: 3€

Kultur Etxeko sotoan

 

Euskara Iparraldean: egiak eta susmoak, Xan Aireren hitzaldia

Urriak 7, asteazkena. 19:00etan

Kultur Etxeko hitzaldi-gelan

 

Mendi-ibilaldia, Ainhoatik Donibane Garazira

Morkaiko mendizale elkartearekin

Urriak 10-11-12

Prezioa: 70 € (80 €, bazkide ez direnentzat)

Izena emateko: Elgoibarko Izarra eta Morkaiko Mendizale elkartea

Izena emateko azken eguna: urriak 2 (23 lagunentzat)

 

Iparraldeko kultura, Antton Luku eta Miren Artetxeren arteko hitzaldi-elkarrizketa

Urriak 14, asteazkena. 19:00etan

Kultur Etxeko hitzaldi-gelan

 

Kantu-bazkaria, Aire ahizpak hirukotearekin

Belaustegi jatetxean.

Kantura etorriko dira: Eñaut Elorrieta eta Uxue Alberdi, Jon Gurrutxaga eta Iban Urizar.

Urriak 24, larunbata. 14:00etan

Prezioa: 35 euro

Izena emateko: Elgoibarko Izarran (urriaren 19a baino lehen).

Babeslea: Belaustegi jatetxea

 

Gure herriaren iparra ez galtzeko, gehigarri berezia

BARREN astekarian

Urriak 30

 

Ederlezi pastorala

Haritz dantzari taldearekin elkarlanean

Herriko Antzokian

Azaroak 14, larunbata. 17:30ean.

Sarrerak hartzeko: aurretik, Elgoibarko Izarran, eta egunean bertan, Herriko Antzokian.

Prezioa: 5 euro

Babeslea: Etxe-tar enpresa

 

Nahia x Matthys eta Xiberoots musika taldeen kontzertua

Gazte Asanbladarekin elkarlanean

Gaztetxean

Azaroak 14, larunbata. 23:00etan

Sarrerak: Gaztetxean, egunean bertan.

Prezioa: 3 euro

 

 

Eragileak eta babesleak:

 

  • Elgoibarko Izarra Euskaltzaleon Topagunea
  • Elgoibarko Udala
  • Morkaiko Mendizale elkartea
  • Haritz Euskal Dantzari elkartea
  • Sinuöse
  • Elgoibarko Gazte Asanblada
  • Etxe-tar enpresa
  • Belaustegi jatetxea
  • Txarriduna hotela