GEU Elkarteak GEA-Gasteizko Euskararen Agenda egitasmoa jarri du abian.
Agenda honen helburua Gasteizen euskaraz antolatzen diren ekitaldien berri ematea da. Orain arte, buletina PDF formatuan jasotzen zuten helbide elektroniko bidez 500 euskaldun baino gehiagok. Egun, internet-ek eskaintzen dituen aukerak aprobetxatu eta egitasmoa indarberritze aldera GEAren bloga sortu dugu: www.gasteizkoagenda.blogspot.com. Bertan jasoko dira Gasteizen eta euskaraz antolatzen diren ekimen guztiak.
Halaber, sare sozialetan ere aurkitu duzue GEA. Egin zaitez GEU Elkartearen lagun!