COVID19 Koronabirusari aurre egiteko neurriak

COVID19 koronabirusaren hedapena eteteko hainbat neurri hartu ditugu Topagunean. Neurri hauek guk antolatutako hainbat egitasmotan eta gure barne lan dinamiketan eragina izango dute:

• Topagunearen ardurapeko ekitaldiak eta jendaurreko ekimen guztiak atzeratu dira, alarma egoera gainditu arte. 
• Mugikortasuna murriztu eta zaintzak lanarekin uztartzeko, etxetik lana egitea lehenetsi dugu, beraz, lankide guztiak etxetik arituko gara lanean.
• Lantalde barruko, bazkideekiko eta bestelako erakunde eta eragileekiko harremana bermatzeko tresnak lantzen ari gara, aurrez-aurre egin ezin ditugunak bestelako komunikazio bideetatik bermatu ahal izateko. 
• Arduraz jokatu eta osasun erakundeen gomendioak jarraitzeko aholkuak zabaldu ditugu kide guztien artean:
  • Osakidetzaren jarraibideak
  • Osasunbidearen jarraibideak

Alarmak irauten duen bitartean lanean arituko gara, beraz, baina etxetik. Gurekin harremanetan jartzeko bideak posta elektronikoa eta telefono mugikorrak izango dira. 

Herri moduan egoera berri eta ezezagunetara egokitzeko dugun gaitasuna erakusteko momentua da. Baldintza okerrenetan ere aurrera egiten jakin dugu eta oraingoan ere asmatuko dugu. Guztion ekarpen eta ideiak ongi etorriak izango dira. Animo guztioi eta eutsi goiari!  

Gurekin harremana hartzeko:

Informazio eta argibideetarako helbide elektronikoa: info@topagunea.eus

Lantaldeko kideekin harremana: