Topaberri aldizkariaren 66. zenbakia banatu da jadanik euskaltzaleen elkarte guztietara. Udarako irakurgai polita izan daiteke, gogoetarako eta ikasturte berrirako ideia berriak lantzeko euskarri interesgarria.
Aldizkarian azaltzen den modura, Topalabea taldeak sortutako Berrikasi eta berrikusi gogoeta-testua du oinarri 66. zenbaki honek. Azken hamarkadetan euskarak eta euskalgintzak izandako bilakaeraren kontaketa batetatik abiatzen da eta hurrengo hamarkadatarako lehentasun izan daitezkeen lan-ildo batzuk irudikatzen dira.
Topaberri paperean jaso ez baduzue, info@topagunea.eus helbidera mezua bidaliz eskatu dezakezue. Hortaz gain, pdf formatuan ere lortu dezakezue ondoko lotura honetan.