UEUk zabalik dauka aurtengo udako ikastaroetako matrikula epea. Urtero bezala, ikastaro aukera oparo eta zabala daukate UEUko lagunek. Hala ere, honako hauek nabarmendu nahi izan dizkigute Topaguneko kideoi:
Euskara eta kirola: euskara sustatzeko eredu eta baliabideak
- Iruñean, uztailak 22 eta 23, 12 ordu
- Helburuak: Kirolean euskaraz aritzeko ereduak bildu eta ezagutzea. Kirola eta euskararen arteko harremanaren inguruko hausnarketa bultzatzea. Kirolean euskaraz aritzeko proposamenak lantzea. Euskara sustatzeko kirolaren potentziala aztertzea.
Ikastaroak emateko software berria: BigBlueButton eta Popcorn
Ikastaro honetan, lehenik eta behin tresna bakoitza aurkeztuko da eta ondoren hauek erabiltzen erakutsiko zaie ikasleei, amaieran izan ditzaketen duda guztiak argitzeko astia egongo delarik.
- Lekua: Markeskoa Jauregia, Eibar
- Data eta ordutegia: Uztailak 17 eta 18. 09:00-14:00.
- Helburuak:
- Hezkuntzarako baliagarriak diren tresna eta zerbitzu ezberdinak ezagutaraztea.
- BigBlueButton eta Popcorn maker tresnak ezagutaraztea.
- IFTTT zerbitzuaren bidez, Interneteko zenbait zerbitzu hobeto ustiatzen ikasi.
- Irakaslea: Gorka Julio Hurtado. Informatikaria eta teknologia berrietan aditua.