Hanna Lantho hizkuntzalari finlandiarra elkarrizketatu zuten aurrekoan Euskadi Irratiko Amarauna saioan. Lanthok ikerlan bat egin berri du, Bilboko euskaldunen artean gertatzen den ‘code-switching’ edo hizkuntza nahasketari buruz. Euskañolari buruz, alegia.
Besteak beste, erdaldun elebakarren ‘euskararen inposizioari’ buruzko diskurtsoaz galdetu zioten Lanthori elkarrizketaren une batean. Hizkuntzalariak ingelesezko esaera batekin erantzun zuen: “Pribilejiatua izateko ohitura duzunean, berdintasunak zapalkuntza iruditzen zaizu”.