Batzordeak hasi dira lanean

Euskaltzaleen Topaguneko Zuzendaritza Batzordearen ekimenez lau batzorde martxan jartzea erabaki da udaberrian. Lau batzordeen eginkizuna da azken Kongresuan onartutako lan-ildo nagusiak garatu eta horien baitako egitasmo berriak martxan jartzea. Ondokoak dira lau batzordeak:

  • Mugimendua: Euskaltzaleen elkarteen mugimenduaren antolaketa, aitzindaritzak, barne komunikazioa eta mugimenduaren eginkizunekin lotutakoak izango ditu aztergai batzorde honek
  • Gogoeta-ekintza: Mugimenduaren gogoeta, elikadura, diskurtso eta eragina landuko dira batzorde honetan, baita euskalgintzako beste eragileekiko harremana ere
  • Herritarrak: Herritarrekin mugimenduak duen harremanaren gainean arituko da herritarren batzordea
  • Merkatua: Zerbitzu eskaintza izango du aztergai laugarren batzordeak

Lehen bilerak ekainean egin dituzte batzordeok eta uztailean zehar udazkenerako lehentasunak zehaztuak izango dituzte.

Osaketa aldetik, mistoak dira batzordeak: Zuzendaritza Batzordeko eta lantaldeko kideez gain, herrietako euskaltzaleen elkarteetako ordezkariek ere parte hartzen dute batzordeetan. Batzordeen izaera irekia da, beraz, nahi duten bazkideek parte hartu ahal izango dute hauetan. 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude