Lorea Agirre: “Euskaldun izatea eraikuntza eta hautu kontziente bat da”

Lorea Agirre eta Julen Arexola-Leiba

Lorea Agirre kazetari eta antropologo goierritarrak altu jarri du galga Arrasateko AED euskaldunon elkarteak antolatutako “Lau begiratu euskararen norabideari” zikloan. Hitzaldia bertatik bertara jarraitzerik izan ez zenutenok laster izango duzue sarean ikus-entzuteko parada. Bien bitantean, hona hemen ekitaldiaren kronika moduko bat, Agirreren jardun kondentsatua ahalik eta leialen hartu eta emateko ahalegin xumean.

Aretoa entzun-minez joandako euskaltzalez bete zuen hasteko eta haien txalo zaparradarekin bukatu zen berbaldi mamitsua eman ere bai. Besteak beste, Lasarte, Gasteiz, Aia eta Debagoiena osotik gerturatu zen jendea Arrasateko Kultur atera, gaiak eta hizlariak ahalegintxo hori merezi zutela jakitun. Eta Agirrek ez zien hutsik egin, ez. Bere alboan, aurkezle rolean izan zuen Julen Arexolaleiba Huheziko irakasleak aurreratu zuenez, beasaindarraren jario neurtu eta zorrotzak ez zuen hitz bat bera ere izan soberan.

Agirrek “Nor izateko” izenburua jarri zion hitzaldiari, euren soiltasunean tesi oso baten funtsa iradoki nahi zuten hitz bi. Azaldu zuenez, “Nor izan” adierak baditu bi esanahi euskaraz: Bata, plano indibidualean identitateari dagokiona, alegia, “nor naiz ni, nor gara gu” adierazten duena. Bestea, berriz, plano publiko edo politikoari dagokiona, hau da, autoritateari, ahalmenari, lotua dagoena: “Banaiz nor, bagara nor”. Bi adierak lotuta daude,  “nor izateko no izan behar delako eta Bourdieuk dioen moduan, identitatea ikusia izatea bada, ikusia izateko plazara irten beharra dagoelako, eremu pribatutik politikora”.

AEDeko lagunek hitzaldiaren laburpen osoagoa jarri dute sustatu.com-en

Utzi erantzuna

Zure e-posta helbidea ez da argitaratuko. Beharrezko eremuak * markatuta daude