Mintza Eguneko abestia aurkeztuko da igandean

Datorren igandean, ekainaren 6an, Arrasaten egingo den Mintza Egunerako abestia prestatu dute Jokin Labayen, Manex Agirre eta Nerea Urrak. Goiena.net atarian abestiaren hitzak ezagutzera eman dituzte, iganderako parte hartzaileek kantua ikasi ahal izateko.

Seigarrenez ospatuko da aurten Mintza Eguna, Euskal Herriko Mintzalagun, Berbalagun, Mintzakide eta Solaslagunen topagunea izateko jaio den eguna. Aurten Arrasaten egingo da eta jadanik ia 250 lagunek eman dute izena bazkarirako. Arrasateko Mintza Egunaren antolaketan Topagunea eta AED elkartearen Zahar Berri programako kideak aritu dira.

Iturria: Goiena.net

Utzi erantzuna

Zure e-posta helbidea ez da argitaratuko. Beharrezko eremuak * markatuta daude